- Chhingdailova
(Kum 1990 World Cup final-a intum, kumin World Cup Q/F a in su leh tur, Argentina leh Germany te pual in)
Savun ham puar peta khawvel no mawi inchuh (World Cup) ka hmelhriatna hi thangkhat lian a lo ni ve dawn ta reng mai le. Kum 1990 daih tawh khan TV colour lo, black and white hmai lian fahran lo atangin ka hmelhriat ve tan a. Keini naupang a thukawchang leh saptawng tawngchham deuh kha chuan World Cup tih kha kan la hmelhriat em em lova. World Cup tih pawhin kan lam thiam lova, ‘Well Cup’ tiin kan sawi a, kan saptawng zir ve ang ang thawhkhawmin Well chu tha tihna ni a, Cup tih chu No tihna ni bawk a, chu ti chu ‘ No tha’ tihna nih chu tiin kan let ve ang nawk nawk a.
Khang lai hun khan TV kan neih loh avangin TV nei ka pi te ka riah chilh ve a. Zan tairekah ka patea’n ka riah chilh ber mai en tur a ti a min kai tho mai chuh Football lek a lo ni a. A dik a dik chuan, World Cup tih a lar hle a mahse khang football kha a nih ka ring pha chiah lo in ka hria. Naupang thanglai mut tui rual lek, mu tui lai han rehbun sak kha chu buaithlak tak a ni, tuitang pawhin ka en ta lo reng a ni.
Bangladesh Channel-ah ruai ropui:
Khang hun lai kha chuan In tinin TV nei hek lo le. TV nei Inah khan an khawngaihna kan dil thin a nih kha. Inthlahrung takin “in TV kan lo en, kan vawih lo ang, kan bengchheng lo ang” tih vel hun lai kha a ni thin a (Mahse kei chu ka ti ve ngai lo). Tin,Mizoram (a bikin Aizawlah)ah khan Bangladesh leh Doordarshan (DD) channel chiah kha a awm thin a. TV programme a chhe em em chung khan, kan en peih em em tho a. TV a la tlem bawk a, TV en rawp a na a ni ber e.
Bangladesh channel khan India Doordarshan aiin an chhuah hmuhnawm zawk vangin Bangladesh channel man thei TV nei In kha a lun lo thei lova. Bangladesh ram, keini India aia ram rethei zawk channel kha a lar em em mai a ni. Bangladesh channel man fiah nan Antenna kakah khan Pressure cooker in a chhawm aluminium plate pawp sir siar kha an tar far thin. Khang lai khan Antenna herh sawnin a fiah leh fiah loh zawt in an au lauh lauh kha a zahthlak loh reng reng a, in tih theih ngawih ngawihna tham a tling a ni.
Bangladesh channel kha kan en zing bawk a niang a fakna thleng thleng khan kan bye heart thei nia. Mawza fakna Cycle khalh palha hmeichhe naupang in a fak lai a, Pangkal mawza (pongkal moja a ni mai thei) tih hla te kha tun thleng hian ka la sa thiam a sin. India DD lam khan Football ngaisang ve vak hek lo, Bangladesh ho Football ruaitheh fiah mang lo deuh kha phur takin kan lo kil pui ve thin a ni ber e.
Maradona mawlh kha:
Chung hun lai chu Football legend ropui, Maradona vanglai a ni a. A ball ben luh (hand of god) avang a No mawi (World Cup) an hawn hnu a World Cup leh hmasa ber anih avangin a hming kha keini ram chengkerh tak Zoram thleng pawh khan a lar em em a nih kha. Kha tih hun lai na na na kha chuan MLA ah pawh in candidate sela, a va tling chiang dawn tak em. Nu tar te te, Mardona leh dona lo pawh hre hrang lo te khan an tan zual emaw tih tur a ni. A ni Maradona lah kha a lo duai lo nasa mai a, a pa lian vak bik lo chung khan mi a chawk buai hneh thin teh e. A tang thei em em a, a tlan pahin ball a’n chawk kawi vel te leh a tumpui te dim a hlawh lo zia mawlh te kha. Cameroon nen an inkhelh tum phei chuan Ball emaw an ti ringawt an tih thin tak kha maw le.
Amaherawhchu, kha Well Cup-ah khan Maradona te lam kha a vannei lo lamah an tang ta hlauh a. No mawi a zawna hawn ngei in beisei in an rawn thawk chhuakna a, German ral lian an tawn tlang zo bik ta lova, West Germany in final-ah an tlawm ta hlauh mai a. Khang hun lai kha Germany la inthen lai a nih kha kan hre theuh awm e. Mahse, kha mi kum tawp dawn October thla khan an inzawm khawm ta reng a nih kha. Well Cup chak vang ni tak maw le….Maradonna larna khan a daih rei ngawt mai, a hnu kum tam fe hnu thleng hian World Cup a Maradona tan em em leh a khel lai hmuh tum tlat an la tam em em a nih kha.
Second goalie a thiam zawk :
Well Cup lai khan Argentina first goalie (khang lai in goal keeper kan ti ve ngai lo) Pumpido kha a inhliam hlauh mai a, Second goalie Sergio Goycochea khan a thlak a nih kha. Ani te kha a lo thiam zek mai a, mi lawm a lo hlawh zek ni tur a ni, second goalie thiam zawka ngaihna kha kan nei tlat mai a. Well Cup zawh khan Football rau kha a thleh chhunzawm nghal a, keini naupang pawh khan Football tuina rau chu kan chang ve thuai a, Club kan din ve ta a. Kei chu first goalie ka ni a, kei aia thiam zawk kha second goalie a ni thung a, enge second goalie thiam zawkah mi zawng zawng in an ngaih lai a ni ve miau a.
Kan club official jersey atan Sweat shirt uk tial, hlui lam pang deuh tawh kha goalie jersey-ah kan hmang a. Kha kawr goalie jersey chiah kha kan form (jersey) neih chhun a ni mai a. Kan second goalie kha chuan a jersey tur a rawn intodelh ve thung a. Kan jersey chu goalie kawr pangngai ang takin a kiu vel leh a koki velah hian Dendrite in thil dup (sponge) kan vuah ve bawk a, a pawng ve deuh al a. A hnungah Siai (shoe polish) ngei hian a number kan chhu kulh a. Lehkha puan (excercise book pawh thlak ngei ah) ah number One (1) lem nalh takin kan ziak a, blade in ka zai kua a, nalh takin kan chhu kai ve ngei a. A hma lamah ‘F’ tih kan chhu bawk a, F tih awmzia kha an hre si lo min zawt laih laih a, kan sawi mai duh lo a nuam ve tak a ni. Mahse khang hun laia ka lo beih ve na kha tun hnu hian eng ruai chu ka nih pui ta lem hlei lova. Mahse, ka second goalie hi a tih tlak zui ta phian a, an veng aiawhin a goalie zak zak maw le….
Well Cup ti ti :
Well Cup a ni bawk a, ti ti leng vak pawh a tam na rawh e. Ti ti tam tak leng kara ka la hriat reng chu Cameroon player ho an rethei lutuk a, an team mawza man tur pawh an nei lo tih te kha a nia. An khel ras (rough) em a vangin “khelh mawi kan tum lo, chak kan tum” tih ang reng te kha an sawi an ti a. He mi Well Cup hian a lawm Japan ho chungchang an sawina, hman kuma World Cup an tel tumin an goalie atan robot an siam a, mihring ang chiah a ni a. A lamah ball a lo kala kut chunglamah a phar chuan a kutin ball a man/hip chat chat thei a. Mahse vanduithlak takin a zun an test-naah a zun kha theitui (juice) vek a lo ni a, an man chhuak tih ang reng te kha kan hre ve a. Khang tu pa zukhawn chang lo dawt ho tak kha aw…
Tin, inhremna atana Red card leh Yellow card te hi kum 1970 World Cup a an hman tan (introduce) daih tawh ni mahse, Mizoramah a nawlpuia mipuiin kan hriatthiam tura a lo luhna kha he 1990 World Cup hi a ni tlat. Tin, back pass goalie in a lo man pawh hi, kha mi kum khan an uar lutuk a, an titawp phah nita in ka hria (hre dik tak maw)
Final hmuhnawm lo chu :
Kha Well Cup kha a rauin min man hneh hle tih bak kha inkhel kan en dan chanchin hriat ka nei tam lo kher a sin aw. DD in a pek chhuak loh avang leh Bangladesh channel kha khawi hmunah pawh a man theih lohna lai tak kha a buaithlakna chu a ni a. Man thei deuh bik an awm a. A man thei bik kha TV ni lovin a awmna hmun a ni zawk a. Final zan te khan inkhelh hmate kha chuan kan sa-hawk ve viau chuan ka hria a, Final zan khan final match chhuahna ber channel kha ka pi te khan man ve hek lo le, DD ah circus tihna hmuna an ti ti (circus pawh an show chuang lo, circus show-na hmuna ti ti chiah a ni) ka nu ho khan kan en a, a va han hmuhnawm loh teh reng ve aw.
Eng ber nge an sawi pawh kan hre lova, second babu kha an ti sek leh nghal a,a hre thiam tan pawh a ngaihnawm nek a nge maw ni le? A hmuhnawm loh teh lul nen tun thleng hian ka mitthlaah a la cham reng nia maw le. Ka World Cup final en hmasak ber a ni ve miau a. Chawhni tlai DD channel in World of Sport an tih ah te khan World Cup lam picture chu a background-ah hian an dah ve ngei tak a. A in khel lai lam reng reng an ti duh reng reng lo mai a. Vai putar deuh ho ti ti hlir kha a chhuak a, a va runthlak tak thin em ve aw.
Well Cup hnu a World Cup
Dik tak chuan kum 1990-a Well Cup ve kha mumal tak pawhin ka en awm pawh ka hre lo. Tin, a khelh hun kha a tlai a, keini naupang tan kha chuan en hleih theih kha a ni meuh lova. Tun hnua ka thlir let leh hian chhun lama an chhuah nawn (replay) kuangbang vel ka kan zut ve mai mai ni awm tak a ni. Mahse ka en vak loh berah khan thawnthu ka ngah ber a, chiang kuanga ka en ve theih hnu hi chuan chanchin sawi tur abar ka nei der lo zawk zu nia.
Kum 1994 World Cup lai khan Brazil tan hri a leng a, Roman Catholic kulhmuk ram Italy te kha Kristian an tamna lam en hauh lo Lal Isua khengbet tute ram tih a ni a. A lehlamah lah chuan Brazil ram Samba culture leh an Carnival boruak khawvel tur zia khuh vekin Brazil-a Isua lim lian tak an din thu te kha, a hmuh pawh kan la hmuh eih loh kha kan han sawi vul ve vak vak kha a ni mai a. Kum 1994 World Cup hian ban bun (wrist band) Mizo te hnenah a rawn theh lar hle a, ban rek nei zawng zawng deuh thaw chuan bun vek an tum tak kha maw.
Kum 1998 World Cup phei chuan TV nei an punga, mi In-a en ho luih luih hun a liam a, World Cup hlutna pawh a tla hniam tan der a. Kum 2002 kum zet chu ka hriatna a dai tawh lo turin World Cup 2002 laiin vawkin kan sa a. Pathian thu zir zo, result nghak lai (tunah chuan Pastor a ni daih tawh) khan min sak pui a. A pumrua a liana, a lian sa tliah a ni lova a chakin a taima em em bawk a ni. Perek a’n chhu te lah chu inches 5 pawh nise, a inches 2 vuak luh hmiah hmiah mai kha a ni a, World Cup vawi hnih lai (2010 thleng) daih zan in min sak sak ta reng a. Kumin phei chu World Cup a nih vang pawh ni chuang lovin an ti lian (extend) nghe nghe a.
Kum 2006 a nih phei chuan match khat en tluan tur pawhin insan mar fe a ngai a, ka en tluan ta miah lo emaw ni lehnghal ni, chutiang vel chu kan ni a. Kum 2010 a lo nih chuan Opening ceremony leh Closing ceremony kan nghak hlel hlur tawh mai a nih hi….
Aw kum 10 liam ta Well Cup kan en lai tak te kha a ngaihawm rum rum ta mai dawn a lawm le.
(Kum 1990 World Cup final-a intum, kumin World Cup Q/F a in su leh tur, Argentina leh Germany te pual in)
Savun ham puar peta khawvel no mawi inchuh (World Cup) ka hmelhriatna hi thangkhat lian a lo ni ve dawn ta reng mai le. Kum 1990 daih tawh khan TV colour lo, black and white hmai lian fahran lo atangin ka hmelhriat ve tan a. Keini naupang a thukawchang leh saptawng tawngchham deuh kha chuan World Cup tih kha kan la hmelhriat em em lova. World Cup tih pawhin kan lam thiam lova, ‘Well Cup’ tiin kan sawi a, kan saptawng zir ve ang ang thawhkhawmin Well chu tha tihna ni a, Cup tih chu No tihna ni bawk a, chu ti chu ‘ No tha’ tihna nih chu tiin kan let ve ang nawk nawk a.
Khang lai hun khan TV kan neih loh avangin TV nei ka pi te ka riah chilh ve a. Zan tairekah ka patea’n ka riah chilh ber mai en tur a ti a min kai tho mai chuh Football lek a lo ni a. A dik a dik chuan, World Cup tih a lar hle a mahse khang football kha a nih ka ring pha chiah lo in ka hria. Naupang thanglai mut tui rual lek, mu tui lai han rehbun sak kha chu buaithlak tak a ni, tuitang pawhin ka en ta lo reng a ni.
Bangladesh Channel-ah ruai ropui:
Khang hun lai kha chuan In tinin TV nei hek lo le. TV nei Inah khan an khawngaihna kan dil thin a nih kha. Inthlahrung takin “in TV kan lo en, kan vawih lo ang, kan bengchheng lo ang” tih vel hun lai kha a ni thin a (Mahse kei chu ka ti ve ngai lo). Tin,Mizoram (a bikin Aizawlah)ah khan Bangladesh leh Doordarshan (DD) channel chiah kha a awm thin a. TV programme a chhe em em chung khan, kan en peih em em tho a. TV a la tlem bawk a, TV en rawp a na a ni ber e.
Bangladesh channel khan India Doordarshan aiin an chhuah hmuhnawm zawk vangin Bangladesh channel man thei TV nei In kha a lun lo thei lova. Bangladesh ram, keini India aia ram rethei zawk channel kha a lar em em mai a ni. Bangladesh channel man fiah nan Antenna kakah khan Pressure cooker in a chhawm aluminium plate pawp sir siar kha an tar far thin. Khang lai khan Antenna herh sawnin a fiah leh fiah loh zawt in an au lauh lauh kha a zahthlak loh reng reng a, in tih theih ngawih ngawihna tham a tling a ni.
Bangladesh channel kha kan en zing bawk a niang a fakna thleng thleng khan kan bye heart thei nia. Mawza fakna Cycle khalh palha hmeichhe naupang in a fak lai a, Pangkal mawza (pongkal moja a ni mai thei) tih hla te kha tun thleng hian ka la sa thiam a sin. India DD lam khan Football ngaisang ve vak hek lo, Bangladesh ho Football ruaitheh fiah mang lo deuh kha phur takin kan lo kil pui ve thin a ni ber e.
Maradona mawlh kha:
Chung hun lai chu Football legend ropui, Maradona vanglai a ni a. A ball ben luh (hand of god) avang a No mawi (World Cup) an hawn hnu a World Cup leh hmasa ber anih avangin a hming kha keini ram chengkerh tak Zoram thleng pawh khan a lar em em a nih kha. Kha tih hun lai na na na kha chuan MLA ah pawh in candidate sela, a va tling chiang dawn tak em. Nu tar te te, Mardona leh dona lo pawh hre hrang lo te khan an tan zual emaw tih tur a ni. A ni Maradona lah kha a lo duai lo nasa mai a, a pa lian vak bik lo chung khan mi a chawk buai hneh thin teh e. A tang thei em em a, a tlan pahin ball a’n chawk kawi vel te leh a tumpui te dim a hlawh lo zia mawlh te kha. Cameroon nen an inkhelh tum phei chuan Ball emaw an ti ringawt an tih thin tak kha maw le.
Amaherawhchu, kha Well Cup-ah khan Maradona te lam kha a vannei lo lamah an tang ta hlauh a. No mawi a zawna hawn ngei in beisei in an rawn thawk chhuakna a, German ral lian an tawn tlang zo bik ta lova, West Germany in final-ah an tlawm ta hlauh mai a. Khang hun lai kha Germany la inthen lai a nih kha kan hre theuh awm e. Mahse, kha mi kum tawp dawn October thla khan an inzawm khawm ta reng a nih kha. Well Cup chak vang ni tak maw le….Maradonna larna khan a daih rei ngawt mai, a hnu kum tam fe hnu thleng hian World Cup a Maradona tan em em leh a khel lai hmuh tum tlat an la tam em em a nih kha.
Second goalie a thiam zawk :
Well Cup lai khan Argentina first goalie (khang lai in goal keeper kan ti ve ngai lo) Pumpido kha a inhliam hlauh mai a, Second goalie Sergio Goycochea khan a thlak a nih kha. Ani te kha a lo thiam zek mai a, mi lawm a lo hlawh zek ni tur a ni, second goalie thiam zawka ngaihna kha kan nei tlat mai a. Well Cup zawh khan Football rau kha a thleh chhunzawm nghal a, keini naupang pawh khan Football tuina rau chu kan chang ve thuai a, Club kan din ve ta a. Kei chu first goalie ka ni a, kei aia thiam zawk kha second goalie a ni thung a, enge second goalie thiam zawkah mi zawng zawng in an ngaih lai a ni ve miau a.
Kan club official jersey atan Sweat shirt uk tial, hlui lam pang deuh tawh kha goalie jersey-ah kan hmang a. Kha kawr goalie jersey chiah kha kan form (jersey) neih chhun a ni mai a. Kan second goalie kha chuan a jersey tur a rawn intodelh ve thung a. Kan jersey chu goalie kawr pangngai ang takin a kiu vel leh a koki velah hian Dendrite in thil dup (sponge) kan vuah ve bawk a, a pawng ve deuh al a. A hnungah Siai (shoe polish) ngei hian a number kan chhu kulh a. Lehkha puan (excercise book pawh thlak ngei ah) ah number One (1) lem nalh takin kan ziak a, blade in ka zai kua a, nalh takin kan chhu kai ve ngei a. A hma lamah ‘F’ tih kan chhu bawk a, F tih awmzia kha an hre si lo min zawt laih laih a, kan sawi mai duh lo a nuam ve tak a ni. Mahse khang hun laia ka lo beih ve na kha tun hnu hian eng ruai chu ka nih pui ta lem hlei lova. Mahse, ka second goalie hi a tih tlak zui ta phian a, an veng aiawhin a goalie zak zak maw le….
Well Cup ti ti :
Well Cup a ni bawk a, ti ti leng vak pawh a tam na rawh e. Ti ti tam tak leng kara ka la hriat reng chu Cameroon player ho an rethei lutuk a, an team mawza man tur pawh an nei lo tih te kha a nia. An khel ras (rough) em a vangin “khelh mawi kan tum lo, chak kan tum” tih ang reng te kha an sawi an ti a. He mi Well Cup hian a lawm Japan ho chungchang an sawina, hman kuma World Cup an tel tumin an goalie atan robot an siam a, mihring ang chiah a ni a. A lamah ball a lo kala kut chunglamah a phar chuan a kutin ball a man/hip chat chat thei a. Mahse vanduithlak takin a zun an test-naah a zun kha theitui (juice) vek a lo ni a, an man chhuak tih ang reng te kha kan hre ve a. Khang tu pa zukhawn chang lo dawt ho tak kha aw…
Tin, inhremna atana Red card leh Yellow card te hi kum 1970 World Cup a an hman tan (introduce) daih tawh ni mahse, Mizoramah a nawlpuia mipuiin kan hriatthiam tura a lo luhna kha he 1990 World Cup hi a ni tlat. Tin, back pass goalie in a lo man pawh hi, kha mi kum khan an uar lutuk a, an titawp phah nita in ka hria (hre dik tak maw)
Final hmuhnawm lo chu :
Kha Well Cup kha a rauin min man hneh hle tih bak kha inkhel kan en dan chanchin hriat ka nei tam lo kher a sin aw. DD in a pek chhuak loh avang leh Bangladesh channel kha khawi hmunah pawh a man theih lohna lai tak kha a buaithlakna chu a ni a. Man thei deuh bik an awm a. A man thei bik kha TV ni lovin a awmna hmun a ni zawk a. Final zan te khan inkhelh hmate kha chuan kan sa-hawk ve viau chuan ka hria a, Final zan khan final match chhuahna ber channel kha ka pi te khan man ve hek lo le, DD ah circus tihna hmuna an ti ti (circus pawh an show chuang lo, circus show-na hmuna ti ti chiah a ni) ka nu ho khan kan en a, a va han hmuhnawm loh teh reng ve aw.
Eng ber nge an sawi pawh kan hre lova, second babu kha an ti sek leh nghal a,a hre thiam tan pawh a ngaihnawm nek a nge maw ni le? A hmuhnawm loh teh lul nen tun thleng hian ka mitthlaah a la cham reng nia maw le. Ka World Cup final en hmasak ber a ni ve miau a. Chawhni tlai DD channel in World of Sport an tih ah te khan World Cup lam picture chu a background-ah hian an dah ve ngei tak a. A in khel lai lam reng reng an ti duh reng reng lo mai a. Vai putar deuh ho ti ti hlir kha a chhuak a, a va runthlak tak thin em ve aw.
Well Cup hnu a World Cup
Dik tak chuan kum 1990-a Well Cup ve kha mumal tak pawhin ka en awm pawh ka hre lo. Tin, a khelh hun kha a tlai a, keini naupang tan kha chuan en hleih theih kha a ni meuh lova. Tun hnua ka thlir let leh hian chhun lama an chhuah nawn (replay) kuangbang vel ka kan zut ve mai mai ni awm tak a ni. Mahse ka en vak loh berah khan thawnthu ka ngah ber a, chiang kuanga ka en ve theih hnu hi chuan chanchin sawi tur abar ka nei der lo zawk zu nia.
Kum 1994 World Cup lai khan Brazil tan hri a leng a, Roman Catholic kulhmuk ram Italy te kha Kristian an tamna lam en hauh lo Lal Isua khengbet tute ram tih a ni a. A lehlamah lah chuan Brazil ram Samba culture leh an Carnival boruak khawvel tur zia khuh vekin Brazil-a Isua lim lian tak an din thu te kha, a hmuh pawh kan la hmuh eih loh kha kan han sawi vul ve vak vak kha a ni mai a. Kum 1994 World Cup hian ban bun (wrist band) Mizo te hnenah a rawn theh lar hle a, ban rek nei zawng zawng deuh thaw chuan bun vek an tum tak kha maw.
Kum 1998 World Cup phei chuan TV nei an punga, mi In-a en ho luih luih hun a liam a, World Cup hlutna pawh a tla hniam tan der a. Kum 2002 kum zet chu ka hriatna a dai tawh lo turin World Cup 2002 laiin vawkin kan sa a. Pathian thu zir zo, result nghak lai (tunah chuan Pastor a ni daih tawh) khan min sak pui a. A pumrua a liana, a lian sa tliah a ni lova a chakin a taima em em bawk a ni. Perek a’n chhu te lah chu inches 5 pawh nise, a inches 2 vuak luh hmiah hmiah mai kha a ni a, World Cup vawi hnih lai (2010 thleng) daih zan in min sak sak ta reng a. Kumin phei chu World Cup a nih vang pawh ni chuang lovin an ti lian (extend) nghe nghe a.
Kum 2006 a nih phei chuan match khat en tluan tur pawhin insan mar fe a ngai a, ka en tluan ta miah lo emaw ni lehnghal ni, chutiang vel chu kan ni a. Kum 2010 a lo nih chuan Opening ceremony leh Closing ceremony kan nghak hlel hlur tawh mai a nih hi….
Aw kum 10 liam ta Well Cup kan en lai tak te kha a ngaihawm rum rum ta mai dawn a lawm le.
